2023-2024 Prins René II en Prinses Carla
Ik Prins René 2,
Zunne van Bartels broer en Joke Kolkman-Kolkman,
Verkoper van auto’s en vrijdags bij de Graafschap DRAN.
Veldheer, dit carnavalsjoar van de Kroosdijk tot an de Varsseveldseweg,
Heerser oaver de mobile telefoon, en gek van brood met dubbel beleg.
Ik Prinses Carla Kolkman als Keienslöpper geboren an de Boschlaan,
Dochter van Harrie Oolthuis en Ria Oolthuis-Krabben, ‘Tenteman’ is onzen bijnaam.
Heerseres oaver boordcomputers en de digitale tachograaf al zowat mien leven lang,
Woon samen met de Prins, op de peerdenboerderije, en hol doar de boel aan de gang.
Verkloaren:
Ten eersten:
Met Prins Daan en Prinses Britt hebt de carnavallisten heel wat rond erent,
Het was één groot feest op het dorpsplein, samen met z’n allen in de Zandbieterstent.
Mooi dat wi-j no samen met jullie meugt aftrappen in dit bijzondere carnavalsjoar,
Wi’j bunt het 64ste prinsenpaar, in het 66ste jubileumjoar.
Alaaf
Ten tweeden:
Rondom de locatie van KSH en het dorpshuus is now völ gedoo,
Maar één ding is zeker, wi’j mot met ons allen noar een good plan veur de toekomst too.
Woar de één zegt het dorpshuus mot blieven stoan,
Zegt de ander loat wi’j met ons allen noar het KSH terrein toe goan.
Wi’j hopt dat er in good overleg iets moois kump veur iederene,
Anders zitte wi’j straks allemoal als verenigingen en vrijwilligers allene.
Alaaf
Ten darden;
De noordtak was ook wel effen een ding,
dat ging der bij ons neet in.
Woar de politiek op de kop steet met Premier Rutten,
bunt wi´j in Harreveld bli´j met Arjen Schutten.
Geen trein kump der deur zien huus,
want doar steet namelijk Jet zien fornuus.
Een slagboom tussen Harreveld en Zöwent, wordt neet gewaardeerd,
Moar um de snelheid op disse weg wat af te remmen wellicht niet zo verkeerd.
Alaaf
Ten veerden:
De St Agatha dut neet alleen meer dienst als kark,
Moar tegenwoordig is er van alles te belaeven, van draaiorgel tot schilderwark.
Ook wille wi’j de prachtige statiemuur buuten neet vergetten,
Dus mocht i’j d’r eens langs kommen dan moj d’r zeker eens op letten.
Stichting St Agatha höldt dit monumentale gebouw now op de been,
Veur volle toeristen al een attractie um alles wa-j d’r kunt zeen.
Alaaf
Ten viefden:
Woar Ajax wellicht geet degraderen
Zal de Graafschap goan promoveren.
De Graafschap Europa in is wel een ding,
moar Ajax naar de Achterhoek, dat is hun vast te min.
PSV of Feyenoord wordt dit joar vast wel kampioen,
moar over die dwaze supporters van hun, is heel wat te doen.
Sluut ze op en loat ze lekker samen goan voetballen,
Zodat ze de wedstrijd, veur de echte supporters neet kunt verknallen.
Alaaf
Ten zesden:
Ondernemmen zit völle Harrevelders in het blood,
Wat mien opvalt, is dat het völle vrouwleu bunt, en dat dut mien good !
Good, better, best,
Wi’j vrouwleu doot het net zo good as de rest.
De mannen zölt hier lang en breed oaver kunnen proaten ,
Moar de vrouwleu zölt doardeur het ondernemmen neet loaten.
Alaaf
Ten zeuvenden:
De stikstofnormen van Nederland komt daagelijks in’t journaal,
’t lik wal of ze nargens anders meer oaver kunt proaten, dat is toch neet normaal.
Wi’j als Nederland stoat te boek als braafste jongetje uut de klas,
Moar priesen wi’j ons zelf neet uut de markt met te dure benzine en gas.
Energie is dadelijk veur gin mense meer te betalen,
Woar mot iedereen in Nederland de euroos nog vandan halen.
Dus beste Harrevelders stap op de fietse en verbrand ow eigen energie,
Want alleen met het loaten stoan van de auto en trekker komme wi’j der nie.
Alaaf
Ten achtsten:
Zowel in Vroagender als in Beltrum hebt ze het dit joar good veur mekaar,
Ze viert beide carnaval met een prinssesenpaar.
Twee bestuursleden kwamen ons vroagen als prinsenpaar en bleven zitten tot het late uur,
Ze zeiden: kump good met jullie 17 joar ervaring bij de vereniging, as raad van elf lid, Adjudant en het bestuur,
In dit jubileumjoar zette wi’j de steek en het kroontje op,
Want met het 66ste jubileum van de Zandbieters goat wi’j veurop.
Alaaf
Ten negende:
Dubbele namen in Harreveld doar hebbe wi’j der heel wat van,
Moar d’r is er geneen zoals René Kolkman en René Kolkman.
In de koerier stonde wi’j bekent als René 1 en René 2,
Als misdienaars van de Harreveldse karke kregen we dissen naam mee.
Met Richard van Slat, Huub van Toeboer, Rob van Gais , Gerard van de Köster, Koen Wolters, Robbie Olyslager, Lowy Haverkamp, Nico Tillas, Marc van Joost Gert en ik van Bartels vrienden voor het leven.
Kom i’j als buutenstoander met al d’j bi’jnamen tocht redelijk an ’t zweven.
Alaaf
Ten tienden:
Woar de gemeente in Lechtenvoorde de corso in tenten laot bouwen,
Mot wi’j als Harrevelders onze creaties in garages en schuurtjes vouwen.
Als prinsenpaar zult wi’j dit joar bi’j jullie langs komm’n om de wagens te bekieken,
Zodat wi’j al vast kunt zeen, wie d’r in de optocht geet pieken.
Een podiumplaats is heel mooi um te behalen,
A’j d’r noast stoat, ku’j doar dan ok flink van balen.
Podium of gin podium, het bouwen van een wagen blif één groot feest,
Gezelligheid steet veurop, met z’n allen geniet wi’j dan het meest.
Alaaf
Ten elfden:
Met Pascal en Lonneke in de Mangelkoele achter de tap,
Kump de carnaval zo op gang, let moar op dat geet rap.
Wi’j zult hier ook samen met jullie records goan verbrekken net als met het klimaat,
Te nat, te dreuge , te warm of te kold, wi’j bunt op de carnaval paraat.
Met jullie, de Raad van Elf en het bestuur goat wi’j een feestje bouwen voor jong en old,
Moar leu blief wal op de bene stoan, zoda’j neet op huus an rolt.
Onze leus veur dit carnavalsjoar is:
BI’J ONS STOAT DE PEERDE NOW OP STAL,
WANT WI’J GOAT VOLGAS, NOAR DE CARNAVAL!
Hierbi’j verkloare wi’j het carnavalsjoar 2023-2024 voor geopend !!